شمعة المحبة
عدد الرسائل : 3
تاريخ التسجيل : 29/01/2009
 | موضوع: الرحمة يا جناب الكمبيوتر  الخميس يناير 29, 2009 5:27 pm | |
| الرحمة ياجناب الكمبيوتر
*******
الحقووووونى
الكمبيوتر بتاعى ,,, اتجنن 
وهيجننى معاه
من كام يوم ,,, قام بمظاهرة 
وأخد السى والدى وياه
قال مش شغال ,,, وعمل اضراب
على شغل عيال ,,, وانا مراقباه
********
زعلت منه ,,, قمت وسبته
ومن تانى خاصمته
ماهو كل شويه ,,, يعمل كده فيا
دى مش اول مرة ,,, ومن غير مناسبة
يعملى دوشة ,,, يعملى روشة
دا باينه عايز ,,, يقوم بثورة أحتجاجية
واللى ناقص ,,, يوكل محامى ,,, ويرفع قضية
********
قبل مااسيبه ,,, صرخت فيه
وقلت ليه
خليك لوحدك ,,, اعند براحتك
أفتح فى ساعة,,, أقعد ادلع
ضيع فى الوقت ,,, وماتشتغلش
*******
قلت اسيبه ,,, يقعد لوحده ,,,
جايز يحس ,,, جايز يسامح ,,,
ولما ابعد ,,, قلبه يحن
تقل عليا ,,, والتقل صنعة
ولا سأل عنى ,,, وسابنى حايرة
طب اعمل ايه ,,, وانا ليه محتاجة
وفى بعده عنى ,,, ناقصنى حاجة
********
فا من غير مااحس
لقيتنى رايحة ,,, لحد عنده
ماانا قلبى طيب ,,, ولو صالحنى
قوام هأسامحه ,,, وهانسى الاسية
*********
قلتله نتفاهم ,,, قلتله نتناقش
عمل مش سامع ,,,عمل مش شايف
قعدت اداديه ,,, وأحايل فيه
قولوا يجيي ساعتين
طب عايز ايه ,,, قولى طلباتك
ماتيلا ياباشا ,,, وبطل حركاتك
يهديك ,,, يرضيك
ماتقول سمعنى ,,, أأمر ياجميل
*******
ايه ؟ ايه ؟ ايه ؟ ايه ؟
قول من تانى ,,, كدبلى ودانى
دا اتجنن رسمى ,,, داعايزاله اجازة
وعايز قال ايه ؟
عايز يتفرمت
عايز يتدلع ,,,عايز يتروشن
والله انا خايفة
لايجيلى فى يوم ,,, والاقيه بيقول
انا عايز اتجوز
******
بالراحة عليا ,,, ارحمنى شويه
طلباتك ديا ,,, حاجة مستعصية
وعايزة ميزانية ,,, وفلوس نقدية
والله ماتبوز ,,, انا بس بقول
أجلها شويه
للعيد الجاى ,,, او شهر كمان
ماهو مش معقول
اول ماهتطلب ,,, انفذ على طول
******
يعنى راكب راسك ,,, يعنى مصمم؟
بتقول تؤ تؤ ؟
بتقولى انا ,,, لأ ؟
طب قوم من وشى ,,, مامشيتش انا هامشى
قبل مااتهور,,, واكسر لك ضلع
اكسرلك ماوس ,,, اكسرلك بورد
******
ولا على ايه ,,, دا الصبر جميل
طيب ولا تزعل ,,, طيب بس اهدا
قول عايز ايه ,,, تتروشن بيه ؟
******
عايز سماعة ؟ عايز طباعة ؟
وعايزلك كاميرا ,,, تكون ماركة ,,, ومش تقليد ؟
وكمان عايز ,,,, ترابيزة جديدة ,,, وكرسى جديد
وحاسس ان الجو حر ,,, فعايز بدل المروحة ,,, تكييف
اسكت خالص ,,, لسه هتكمل
واضح واضح ,,, انت اتجنتت ,,, كده بالتأكيد
******
ياسلام ياسلام
بقى دا اسمه كلام ,,, والله حرام
انت مش عارف ,,, دولا يجو بكام
وانا لسه ناقصنى ,,,
طلباتك ديا ,,, ماكفاية عليا,,,
أسعار اللحمة ,,, الخيالية
*******
بتقول عصبية ,,, بتقول نكدية
وكمان انانية
يعنى يرضيك ,,, عشان اراضيك
وعشان تتروشن
شهر بحاله ,,, ما آكل حاجة
غيرالفول و الطعمية
******
الرحمة ياباشا ,,, الرحمة يابيه
وبعد اذنك ,,, ولو سمحت
فكر من تانى ,,, دور على حل
وماتبوظش فجاة ,,, الله يخليك
الرحمة ياعم ,,, و انا عندى حل
طلباتك ديا ,,, كتير عليا
فى بس شهر
فواحدة واحدة ,,, وشهر شهر
هتلاقى عندك كل اللى عايزه
واعتبر كلامى ,,,, دا منى وعد
برضو مش راضى
برضو مش عاجبك
طب أدينى فرصة ,,, أأقدم على سلفة
أو اعمل جمعية
عشان خاطرى ,,, اتنازل شويه
واوعى تخلى ,,, كل اللى بينا
يخلص فى لحظة
وتبقى النهاية ,,, كده مأساوية  | |
|
